Achomharc a dhéanamh i gcoinne cinnidh a rinne QQI

Faoin reachtaíocht, is féidir le soláthraí achomharc foirmiúil a dhéanamh i gcoinne aon cheann de na cinntí seo a leanas de QQI: 

  • Diúltú nósanna imeachta dearbhaithe cáilíochta beartaithe a cheadú (Alt 31 (5))

  • Faomhadh do nósanna imeachta dearbhaithe cáilíochta a tharraingt siar (Alt 36 (6))

  • Diúltú clár oideachais agus oiliúna a bhailíochtú (Alt 45 (4))

  • Bailíochtú do chlár oideachais agus oiliúna a tharraingt siar (Alt 47 (5))

  • Diúltú d’iarraidh ar tharmligean údaráis chun dámhachtain a dhéanamh (Alt 53 (11))

  • Coinníoll a shonrú chun údarás a tharmligean chun dámhachtain a dhéanamh (Alt 53 (12))

  • Údarás chun dámhachtain a dhéanamh a tharraingt siar nó a athrú (Alt 55 (7))

  • Ceadú maidir le nósanna imeachta do rochtain, aistriú agus dul chun cinn a tharraingt siar (Alt 59 (6))

  • Diúltú chun úsáid an Mhairc Oideachais Idirnáisiúnta a údarú (Alt 61 (12))

  • Údarú d’úsáid an Mhairc Oideachais Idirnáisiúnta a tharraingt siar (Alt 63 (9))

Foráiltear don Phróiseas Achomhairc le hIonstraim Reachtúil Uimh. 545 i 2025.

Mar achoimre

Caithfidh tú fógra achomhairc a chomhlánú agus a chur isteach laistigh de 30 lá ó chinneadh a fháil uainn. 

Tá táille iníoctha ar gach achomharc. Caithfear é seo a íoc sular féidir leis an bpainéal achomhairc d’achomharc a mheas. Má sheastar le d’achomharc, aisíocfar an táille leat go hiomlán. Ní dhéantar aon aisíocaíocht ann má dhiúltaítear nó má tharraingítear siar achomharc. 

Nuair a bheidh d’fhógra achomhairc faighte againn agus deimhniú tugtha go bhfuarthas an íocaíocht, atreoróimid é chuig cathaoirleach an phainéil achomhairc, a thionólfaidh cruinniú den bhord achomhairc chun é a mheas. 

De ghnáth, breithneoidh an bord achomhairc achomharc bunaithe ar dhoiciméadú a sholáthraíonn soláthraí agus QQI. Mar sin féin, is féidir éisteacht ó bhéal a thionól más gá.

Is é tromlach de chomhaltaí an bhoird achomhairc a chinnfidh toradh d’achomhairc, a dheimhneoidh an cinneadh bunaidh nó a ordóidh dúinn é a athbhreithniú.

Tá tuilleadh eolais le fáil sa doiciméad the QQI Operating Procedure for Determining Appeals under S.I. 545 of 2025.

Má tá ceisteanna eile agat maidir leis an bpróiseas achomhairc QQI, seol ríomhphost chuig appeals@qqi.ie 

Tá an painéal achomhairc comhdhéanta de dhaoine neamhspleácha, a cheapann an tAire Breisoideachais agus Ardoideachais, Taighde, Nuálaíochta agus Eolaíochta chun achomhairc i gcoinne cinntí sonracha QQI a mheas.

Baill an Phainéil

[Ag fanacht ar cheapadh bhaill an Phainéil Achomhairc]

 Déanfaidh bord achomhairc comhdhéanta de thriúr ball ón bpainéal seo achomharc bailí a mheas.

04_QQIWebPattern-Certs
Top